Savali Ole Filemu Aoga Amata

Our School

Savali Ole Filemu Aoga Amata center is carefully designed to offer your child learning opportunities in a fun and safe environment.

We pride ourselves on providing an environment where children explore and learn in a calm, clean, nurturing, safe space.

All children’s playrooms have a spacious play area, an abundance of educational resources and fun toys, art and craft supplies and colorful books. There are dedicated sleeping areas and easy access to baby change tables and toilet facilities throughout the premises.Philosophy Statement

Tofa Manino

O le fa’asinomaga o le Savali o le Filemu Aoga Amata e afua mai i le va’a o ‘Le Savali o le Filemu’ (Messenger of Peace), lea na taunu’u ai le fe’au o le talalelei a Keriso i Samoa, ma fa’avaeina ai lona Malo Tuto’atasi – “Fa’avae i Le Atua Samoa”. O le fe’au na momoli e lea savali i Mataniu Feagai Ma Le Ata, ua ao ai Samoa i le filemu o Keriso ma tatala ai faitoto’a i le a’oa’oina o le poto salalau. O le feso’otaiga o le ‘Savali o le Filemu’ ma le fe’au na ia momoli i laufanua o Samoa, ua mafua ai le manulauti o le Aoga Amata – ia a’oa’o le tamaititi e tusa ma ona ala, a o’o ina matua e le toe te’a ese ai.

O le sini o le fa’amoemoe o le Savali o le Filemu Aoga Amata o le fa’atauaina lea o le tagata ma lona fa’asinomaga, e auala lea i le: a’oa’oina o le fanau i le Gagana Samoa – ia iloa ai e le tamaititi i lona tuputupu a’e le taua o le Gagana, ma faigofie ai ona malamalama i le aganu’u, tu ma aga Fa’a Samoa a o aumau ai i Aotearoa nei, Niu Sila.

O vaega faapitoa nei o lo’o agatonu i ai le fa’atinoina o polokalame a le Aoga Amata i aso ta’itasi, mo le ausiaina o lana Manulauti:

Aputi ma fa’atauaina le ola maloloina ma le saogalemu o fanau

“A’oa’o le tama e tusa ma ona ala

a o’o ina matua e le toe te’a ese ai (Fa’ataoto 22: 6)

Fa’atauaina o le a’oa’oina o fanau i le Gagana Samoa ma le Aganu’u, aemaise ai le a’oa’oina i le saofa’iga va’ava’alua o le Aganu’u ma le olaga Fa’a Kerisiano

O se tasi o tofamanino a Samoa –

“A leai se Gagana, ua leai se Aganu’u, a leai se Aganu’u, ua po le nu’u”.

Fa’atauaina o le ola Alofa ma iloa Fa’aaloalo

“Ia e ava i lou Tama ma lou Tina

ina ia fa’alevaleva ai ou aso i le nu’u ua foa’ina atu e

Le Atua ia te oe” (Teuteronome 5: 16)